Sugar Se Aankh Kharab Ho Sakti Hai? Retina Ki Jaanch Kab Aur Kyun

Dr Manik Mittal

MBBS (AIIMS), MD Ophthal (AIIMS)

DMC Reg No 06043

New Vision Eye Centre (NABH-accredited), A-5/233 (1st & 2nd Floor), Paschim Vihar, New Delhi 110063

Lambe samay tak sugar (diabetes) rehne se aankh ke parde, yaani retina, ki chhoti nasein kamzor ho sakti hain. Isse diabetic retinopathy kehte hain. Shuru mein na dard hota hai, na nazar kam hoti hai, isliye pata tabhi chalta hai jab retina ki jaanch hoti hai.

Kitni common hai?

India ke National Diabetes and Diabetic Retinopathy Survey 2015–19 ke hisaab se, 50 saal se upar ke diabetes wale logon mein 16.9% ko diabetic retinopathy thi, aur 3.6% mein yeh nazar ke liye khatarnaak stage tak pahunch chuki thi. Survey mein milne wale har teen mein se ek diabetes patient ko pata hi nahi tha ki unhe sugar hai.

Source: Vashist P et al., Indian J Ophthalmol 2021 (PMC8725073), Ministry of Health & Family Welfare / AIIMS RP Centre.

Kin logon ko jaanch karwani chahiye?

Har diabetes patient: har 6 mahine, chahe sugar control mein ho aur nazar theek ho
Jinko 10 saal se zyada sugar hai, insulin lete hain, BP ya kidney ki problem hai
Jinhe dhundla dikhe, kaale dhabbe (floaters) dikhein, ya padhne mein dikkat ho

Jaanch mein kya hota hai?

Aankh mein dawai daal kar putli badi ki jaati hai, phir poora retina dekha jaata hai
OCT scan (Huvitz OCT, clinic mein hi): retina ki parat-dar-parat photo, jisse sujan (macular edema) pakdi jaati hai
Dawai ke baad 4–6 ghante dhundla dikhta hai, isliye khud gaadi chala kar mat aaiye, kisi ko saath laaiye
HbA1c, BP reading aur dawaiyon ki list saath laaiye

Ilaaj kya hai?

Shuruaati stage: sugar, BP, cholesterol control aur regular jaanch
Retina mein sujan (macular edema): aankh mein anti-VEGF injection (Razumab, Eylea, Pagenax, Vabysmo). Consultation ke baad usi din injection lag sakta hai, jahan doctor sahi samjhein
Advanced stage: retina laser treatment, jahan doctor salah dein, aur/ya injection

Kya nuksaan theek ho sakta hai?

Ilaaj ka maqsad nazar ko bachana aur bimari ko badhne se rokna hai. Shuruaati stage mein nuksaan theek ho sakta hai. Advanced stage mein nuksaan sirf kuch had tak hi theek hota hai. Isliye sugar patients ke liye har 6 mahine retina jaanch zaroori hai. Baaki sabhi ke liye saal mein ek baar.

Cashless

Injection aur retina ka ilaaj CGHS, ECHS, DGEHS aur health insurance mein cashless hai (approval ke hisaab se).

Logon ke sawaal

Meri nazar bilkul theek hai, phir bhi jaanch?

Haan. Diabetic retinopathy mein shuru mein koi lakshan nahi hote.

Sugar control hai to bhi?

Haan, control achha ho tab bhi har 6 mahine retina jaanch zaroori hai.

Questions about insurance coverage or procedure costs? Talk to our surgery counsellor: 89296 30330

Appointment

Reception: 011-49785858 ya 81309 30330 (call/WhatsApp). Mon–Sat, 10 AM–7 PM, appointment ke saath.

Hamare paas patients poori Delhi se, poore India se aur videsh se bhi aate hain. Bahar se aa rahe hain to pehle appointment le lijiye aur purani reports saath laaiye.

Dr Manik Mittal

MBBS (AIIMS), MD Ophthal (AIIMS)

DMC Reg No 06043

New Vision Eye Centre (NABH-accredited), A-5/233 (1st & 2nd Floor), Paschim Vihar, New Delhi 110063

Yeh jaankari general hai, aankh ki jaanch ka substitute nahi hai. Ilaaj aankh dekhkar hi tay hota hai.

New Vision Eye Centre is a NABH-accredited eye care clinic in Paschim Vihar, New Delhi, providing vision correction and comprehensive eye treatment. Led by Dr Manik Mittal, the centre provides LASIK, Contoura Vision, cataract surgery, ICL and complete eye checkups.

Quick Links

newvisioneyecentre@gmail.com

011-49785858, 81309 30330